- Auglýsing -
Þrjú erindi voru tekin fyrir á fundi aganefnda HSÍ í gær og lauk þeim öllum án úrskurðar um leikbann en hlut að málum áttu m.a. tveir leikmenn sem taka þátt í undanúrslitaleikjum Coca Cola bikars karla í handknattleik í Schenkerhöllinni á Ásvöllum á föstudaginn, Tandri Már Konráðsson úr Stjörnunni og Aftureldingarmaðurinn Bergvin Þór Þór Gíslason.
Báðir verða þeir gjaldgengir með liðum sínum í undanúslitaleikjunum. Bergvin Þór verður í eldlínunni með Aftureldingu gegn Íslandsmeisturum Vals klukkan 18 á föstudag og Tandri Már sem fyrirliði Stjörnunnar sem mætir Fram klukkan 20.30.
Eftirtalin mál lágu fyrir og var tekið til úrskurðar:
„Tandri Már Konráðsson leikmaður Stjörnunar hlaut útilokun með skýrslu vegna grófs leikbrots í leik Aftureldingar og Stjörnunar í Olís deild karla þann 17.9. 2021. Dómarar meta að brotið falli undir reglu 8:5 b). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
Elísabet Tinna Kjartansdóttir leikmaður Fjölnir/Fylkis hlaut útilokun með skýrslu vegna grófs leikbrots í leik Fjölnir/Fylkis og Selfoss í Grill66 deild kvenna þann 23.9. 2021. Dómarar meta að brotið falli undir reglu 8:5 a). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
Bergvin Þór Gíslason leikmaður Aftureldingu hlaut útilokun með skýrslu vegna grófs leikbrots í leik Aftureldingu og Hauka í Olís deild karla þann 24.9. 2021. Dómarar meta að brotið falli undir reglu 8:9 f). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.“
- Auglýsing -
