„Vörnin hjálpaði mér í þessu. Það er einfaldlega þannig að þegar vörnin gengur vel þá fylgir markvarslan með,“ sagði Selfyssingurinn Jón Þórarinn Þorsteinsson markvörður FH í stuttu viðtali við handbolta.is eftir að Jón Þorsteinn fór á kostum með FH gegn Val í gærkvöld. Jón Þorsteinn lokað markinu á köflum var með rúmlega 41% hlutfallsmarkvörslu þann tíma sem hann stóð í markinu. Daníel Freyr Andrésson leysti Selfyssinginn af þegar kom fram í síðari hálfleik.
FH vann leikinn, 32:27, á Hlíðarenda eftir að hafa mest verið 10 mörkum yfir oftar en einu sinni í síðari hálfleik.
„Mér líður vel hjá FH, finn mig mjög velkominn hjá félaginu,“ sagði Jón Þórarinn ennfremur en hann söðlaði um í sumar og kvaddi uppeldisfélag sitt Selfoss.
Jón Þorsteinn var í bronsliði Íslands á HM 21 árs landsliða sumarið 2023. Hann hefur einnig reynslu af því að leika í Olísdeildinni með Selfossi tímabilið 2023/2024 og vel til leikmanna Vals eins og margra annarra í deildinni.
„Ég hef keppt á móti mörgum af þessu strákum á síðustu árum enda flestir á mínu aldursreki.“
Lengra viðtal við Jón Þórarinn er í myndskeiði hér fyrir ofan.
Tölfræði leiksins hjá HBStatz.
Staðan og næstu leikir í Olísdeildum.
FH-ingar fóru illa með Valsmenn – Jón Þórarinn fór á kostum
