Thelma og Ragnheiður framlengja samninga

Línukonan Thelma Melsteð Björgvinsdóttir og hornakonan Ragnheiður Ragnarsdóttir hafa framlengt samninga sína við Hauka.

Thelma er úr sterkum 2004 árgangi Hauka, sem orðinn er kjarni Haukaliðsins í dag. Hún á að baki leiki fyrir yngri landslið Íslands og var m.a. í u20 ára landsliðinu sem hafnaði í 7. sæti á HM síðasta sumar.

Ragnheiður mun hún leika áfram með liðinu á næstu árum. Hún varð þrítug fyrr á árinu og hefur verið einn af lykilmönnum Hauka undanfarin ár. Ragnheiður lék sinn fyrsta leik fyrir meistarflokk Hauka árið 2012.

Báðar verða í eldlínunni með Haukum í úrslitarimmunni við Val um Íslandsmeistaratitilinn sem hefst 20. maí.