„Þetta er toppurinn á tímabilinu fyrir Þór og KA að berjast um montréttinn í bænum alveg fram í mars á næsta ári,“ segir Hafþór Már Vignisson leikmaður Þórs í viðtali við Egil Bjarna Friðjónsson ljósmyndara á Akureyri um væntanlegan leik KA og Þórs í Olísdeild karla á fimmtudagskvöld í KA-heimilinu.
Egill Bjarni hitti Hafþór Má og Þórð Tandra Ágústsson eftir æfingu liðsins í kvöld.
„Þetta er leikurinn sem maður vill spila og hefur beðið eftir allt tímabilið,“ segir Þórður Tandri.
Viðureignin verður sú fyrsta á milli grannliðanna í Olísdeildinni í rúm fjögur ár, eða frá því að þau skildu jöfn, 19:19, í KA-heimilinu vorið 2021.
Lengra viðtal er við Hafþór Má og Þórð Tanda í myndskeiði hér fyrir ofan.
Beint á Handboltapassanum
Þeir sem ekki eiga þess kost að vera í KA-heimilinu á fimmtudagskvöld geta horft á leikinn í útsendingu Handboltapassans. Flautað verður til leiks klukkan 19.30.
Staðan og næstu leikir í Olísdeildum.
