„Þetta var mjög skemmtilegur og erfiður leikur og hreint geggjað að ná að klára þetta,“ sagði Berglind Þorsteinsdóttir ein af liðskonum íslenska landsliðsins eftir sigurinn á Kongó, 30:28, sem tryggði íslenska landsliðinu forsetabikarinn á heimsmeistaramótinu í handknattleik kvenna.
Berglind lék mikilvægt hlutverk í framliggjandi vörn íslenska liðsins og tókst að slá sóknarmenn Kongó út af laginu hvað eftir annað. „Þær [leikmenn Kongó] eru mjög hraðar og erfiðar viðureignar. Það var mjög gaman að fást við þær,“ sagði Berglind sem eins og aðrar úr íslenska liðinu verða ánægðar að koma heim eftir langa törn.
„Leikurinn var spennandi til enda, eins og úrslitaleikir eiga að vera. Þetta var alvöru úrslitaleikur,“ sagði Berglind Þorsteinsdóttir landsliðskona með bros á vör í samtali við handbolta.is í kvöld í Arena Nord.
Bikar með heim og góðar minningar
Forsetabikarinn fer til Íslands!
Átta mörk skoruð eftir gegnumbrot
