Þór er kominn í átta liða úrslit

Þór Akureyri hefur tryggt sér sæti í átta liða úrslitum Coca Cola-bikarkeppni karla í handknattleik. Þór vann ÍBV2 með 13 marka mun í Kórnum í Kópavogi en svo virðist sem lið félaganna hafi ákveðið að mætast á miðri leið eða því sem næst.

Því miður hafa nánari upplýsingar um leikinn ekki borist en úrslit leiksins voru birt á Facebooksíðu Þórs.

Þetta var fyrsti leikur í 16-liða úrslitum Coca Cola-bikarsins í karlaflokki. Aðrir leikir í umferðinni eiga að fara fram miðvikudaginn 16. febrúar.