Þórey Rósa er sú þriðja sem rýfur 400 marka múrinn

- Auglýsing -

Þórey Rósa Stefánsdóttir landsliðskona í handknattleik og hornamaður úr Fram rauf í dag 400 marka múrinn með landsliðinu þegar hún skoraði níunda mark Íslands gegn Pólverjum á æfingamótinu í Cheb í  Tékklandi. Hún er þriðja markahæsti leikmaður landsliðsins frá upphafi og sú þriðja sem skorar fleiri en 400 mörk. 

Íslenska liðið tapaði leiknum með 11 marka mun, 26:15.

Þórey Rósa lék fyrri hálfleikinn og skoraði eitt mark í leiknum og hefur þar með skoraði 400 mörk í 138 landsleikjum. 

Hrafnhildur Ósk Skúladóttir er sem fyrr sú sem skorað hefur flest mörk fyrir landsliðið, 620. Hún einnig leikjahæst með 170 landsleiki. Hanna Guðrún Stefánsdóttir er í öðru sæti með 458 mörk í 142 leikjum. Þar á eftir kemur Þórey Rósa en á hæla hennar fylgja tveir aðrir Framarar, Guðríður Guðjónsdóttir og Karen Knútsdóttir. 

Hér eru þær sem hafa skorað fleiri en 200 mörk fyrir kvennalandsliðið.

Sjá einnig: Erfiðleikar í sókninni og 11 marka tap í Cheb