- Auglýsing -
Þór Akureyri vann í dag neðsta lið Grill66-deildar karla, Berserki, með fimm marka mun í Höllinni á Akureyri, 29:24. Jafnt var að loknum fyrri hálfleik, 14:14. Berserkir voru fámennir að þessu sinni. Þeir voru aðeins með 11 menn á leikskýrslu. Þeim tókst þó lengst af halda Þórsurum vel við efnið.
Sigur Þórs breytir ekki neinu um stöðu liðsins. Það er sem fyrr í fjórða sæti Grill66-deildarinnar. Hefur nú 16 stig að loknum 11 leikjum og er fjórum stigum á eftir Fjölni og Herði sem eru í öðru og þriðja sæti. Þórsarar eiga reyndar einn leik til góða á Hörð og tvo á Fjölni.
Í athugasemd á leikskýrslu segir að skýrsla frá dómurum fylgi „vegna þjálfara í stúku.“ Hvort þar eigi í hlut þjálfari Þórs eða Berserkja fylgir ekki sögunni. Þjálfari Þórs var alltént í banni í þessu leik og hefur væntanlega fylgst með úr stúkunni.
Nýr leikmaður, Josip Kezic, sem gekk til liðs við Þór snemma í mánuðinum lék sinn fyrsta leik með liðinu í dag. Örvhenta skyttan, Tomislav Jagurinovski, tók úr leikbann.
Mörk Þórs: Heimir Pálsson 8, Arnþór Gylfi Finnsson 7, Jóhann Einarsson 7, Viðar Ernir Reimarsson 3, Viktor Jörvar Kristjánsson 2, Aðalsteinn Erni Bergþórsson 1, Josip Kezic 1.
Mörk Berserkja: Þorri Starrason 6, Marinó Gauti Gunnlaugsson 5, Sigurður Páll Matthíasson 5, Arnar Már Ásmundsson 3, Ari Freyr Jónson 3, Magnús Hallsson 2.
Stöðu og næstu leiki í Grill66-deild karla má sjá hér.
- Auglýsing -
