Valur vann í kvöld þriðja leik sinn í Olísdeild kvenna þegar tekið var á móti nýliðum Selfoss í N1-höllinni á Hlíðarenda. Þrátt fyrir að Selfoss-liðið hafi lengst af leikið sinn besta leik það sem af er leiktíðar þá stóðst það ekki meistaraliði Vals snúning. Lokatölur, 30:23, eftir að sex marka munur var að loknum fyrri hálfleik, 17:11.
Valur er þar með áfram efstur og taplaus eftir þrjár viðureignir. Selfoss-liðið sem hefur þegar leikið við Val og Hauka úr hóp liðanna í efri hlutanum, er án stiga og verður að nýta hléið sem framundan er vel til þess að fara yfir leik sinni.
Fyrstu tíu mínúturnar voru jafnar meðan leikmenn Vals voru að ná áttum. Eftir að þær náðust þá skildu leiðir. Valsliðið skoraði fjögur mörk í röð og fór úr 4:3 í 8:3. Yfirburðirnir voru talsverðir, eins og við mátti búast enda virðist Valur vera í sérklassa í deildinni.
Mestur varð munurinn níu mörk, Val í vil. Þegar nær dró leikslokum tókst Selfossliðinu að minnka muninn í fjögur mörk, 27:23, um fimm mínútum fyrir leikslok.
Staðan og næstu leikir í Olísdeildum.
Mörk Vals: Elín Rósa Magnúsdóttir 9, Lilja Ágústsdóttir 8, Þórey Anna Ásgeirsdóttir 7/3, Ásdís Þóra Ágústsdóttir 2, Thea Imani Sturludóttir 2, Lovísa Thompson 2.
Varin skot: Hafdís Renötudóttir 12, 41,4% – Silja Arngrímsdóttir Müller 4, 40%.
Mörk Selfoss: Perla Ruth Albertsdóttir 7/2, Hulda Hrönn Bragadóttir 4, Sara Dröfn Ríkharðsdóttir 4, Hulda Dís Þrastardóttir 3, Harpa Valey Gylfadóttir 2, Katla María Magnúsdóttir 1, Elínborg Katla Þorbjörnsdóttir 1, Arna Kristín Einarsdóttir 1.
Varin skot: Cornelia Linnea Hermansson 10, 25%.
Öll töfræðin hjá HBStatz.
