HK vann þriðja leik sinn í röð í Olísdeild karla í kvöld þegar þeir lögðu Hauka sannfærandi í Kórnum, 30:29, í upphafsleik 16. umferðar. Um leið var þetta annar tapleikur Hauka í röð með einu marki og sömu markatölu. HK situr áfram í áttunda sæti deildarinnar en fjarlægist liðin fyrir neðan. Kópvogsliðið er jafnt Stjörnunni að stigum, hvort lið hefur 14 stig en Stjarnan á inni leik við Fjölni í Hekluhöllinni á sunnudagskvöld.
Haukar eru fjórum stigum fyrir ofan HK í fimmta sæti.
Eftir jafna stöðu í hálfleik, 15:15, þá tóku HK frumkvæðið í upphafi síðari hálfleik og létu það ekki af hendi það sem eftir var leiktímans. Forskotið var eitt til þrjú mörk og sigurinn sanngjarn þegar upp var staðið. Brynjólfur Snær Brynjólfsson minnkað muninn fyrir Hauka í eitt mark þegar fáeinar sekúndur voru eftir í kjölfar þess að HK missti boltann klaufalega í upphafi sóknar.
Annars var sóknarleikur Hauka ekki sannfærandi í síðari hálfleik. Leikmönnum voru á tíðum afar mislagðar hendur.
Staðan og næstu leikir í Olísdeildum.
Mörk HK: Leó Snær Pétursson 6/3, Tómas Sigurðarson 6, Sigurður Jefferson Guarino 5, Hjörtur Ingi Halldórsson 3, Kári Tómas Hauksson 3, Ágúst Guðmundsson 2, Haukur Ingi Hauksson 2, Júlíus Flosason 1, Aron Dagur Pálsson 1, Andri Þór Helgason 1.
Varin skot: Jovan Kukobat 13, 31,7% – Róbert Örn Karlsson 0.
Mörk Hauka: Össur Haraldsson 7, Hergeir Grímsson 5, Birkir Snær Steinsson 3, Skarphéðinn Ívar Einarsson 3, Brynjólfur Snær Brynjólfsson 2, Freyr Aronsson 2, Þráinn Orri Jónsson 2, Adam Haukur Baumruk 2, Hinrik Hugi Heiðarsson 2, Andri Fannar Elísson 1.
Varin skot: Vilius Rasimas 7/1, 25,9% – Aron Rafn Eðvarðsson 3, 23,1%.
Tölfræði HBstatz.
