Forráðafólk handknattleiksdeildar HK slá ekki slöku við og heldur þar af leiðandi áfram að semja til lengri tíma við unga og efnilega leikmenn og þannig styrkja framtíðina hjá félaginu.
Í tilkynningu frá HK í morgun segir að þrír efnilegir leikmenn úr uppeldisstarfi félagsins hafa skrifað undir samninga við félagið.
Leikmennirinir þrír eru:
Viktor Bjarki Einarsson – vinstri skytta.
Elías Ingi Gíslason – hægri skytta / hornamaður.
Pálmar Henry Brynjarsson – vinstri hornamaður.
„Þessir strákar hafa alist upp í HK, sýnt mikinn metnað, hæfileika og vilja til að taka næsta skref í sínum ferli. Við erum stolt af því að sjá okkar drengi halda áfram að þróast og hlökkum til að fylgjast með þeim vaxa inn í meistaraflokkinn á komandi árum,“ segir í tilkynningu HK.
