Unglingalandsliðsmennirnir þeir Andri Fannar Elísson, Össur Haraldsson og Birkir Snær hafa framlengt samninga sína við handknattleiksdeild Hauka til næstu ára, segir í tilkynningu félagsins. Allir eru þeir í veigamiklum hlutverki í meistaraflokksliði Hauka sem situr i 5. sæti Olísdeildar karla auk þess að vera í 16-liða úrslitum Evrópubikarkeppninnar.
Össur hefur skoraði 56 mörk í 14 leikjum Hauka í Olísdeildinni, Birkir Snær 48 og Andri Fannar 44. Össur og Andri Fannar eru hornamenn en Birkir Snær örvhent skytta.
Andri Fannar, Birkir Snær og Össur eru allir uppaldir Haukamenn. Þeir voru í 20 ára landsliðinu á Evrópumótinu í Slóveníu í júlí á síðasta ári þar sem íslenska landsliðið hafnaði í sjöunda sæti. Þeir hafa í vetur verið í æfingahópi 21 árs landsliðsins sem á sæti víst í lokakeppni HM í Póllandi síðla í júní.
