U20 ára landslið Íslands vann öruggan sigur á A-landsliði Grænlands, 35:25, í síðari viðureign liðanna í Safamýri í dag. Staðan var 12:10 að loknum fyrri hálfleik. Íslensku piltarnir unnu einnig fyrri vináttuleikinn sem fram fór á fimmtudagskvöld, 30:24.
Eftir jafnan fyrri hálfleik þá tók íslenska liðið öll völd í sínar hendur í síðari hálfleik. Grænlendingar fengu ekki rönd við reist. Mestur varð munurinn 12 mörk.
Mörk Íslands: Bernard Kristján Owusu Darkoh 6, Daníel Montoro 6, Baldur Fritz Bjarnason 5, Leó Halldórsson 5, Harri Halldórsson 4, Max Emil Stenlund 3, Andri Erlingsson 2, Antoine Óskar Pantano 1, Ágúst Guðmundsson 1, Haukur Guðmundsson 1, Jökull Blöndal Björnsson 1.
Varin skot: Jens Sigurðarson 15, Hannes Pétur Hauksson 2.
Tölfræði leiksins hjá HBStatz.
Sex marka sigur á Grænlendingum
