Tryggja sér krafta fimm efnilegra pilta

Handknattleiksdeild Vals samdi nú á dögunum við fimm efnilega unglingalandsliðsmenn sem leika með félaginu.

Daníel Örn Guðmundsson (nr. 11 á mynd) semur til 3ja ára eða til 2027. Dagur Leó Fannarsson (nr. 6 á mynd), Daníel Montoro (nr. 10 á mynd), Jens Sigurðarsson (nr. 12 á mynd) og Þorvaldur Örn Þorvaldsson (nr. 5 á mynd) semja til 2026.

„Við í stjórninni ásamt þjálfurum erum hrikalega ánægð með þessa stráka. Þeir hafa nokkrir þegar spilað með meistaraflokknum en allir hafa þeir verið í kringum hann á þessu tímabili. Þessir strákar eru framtíðarmenn í félaginu og spila stóran hlut í okkar áætlunum,“ er haft eftir Jóni Halldórssyni í tilkynningu handknattleiksdeildar Vals.