Tryggvi Garðar Jónsson, nýkrýndur Íslands- og bikarmeistari með Fram, hefur samið við austurríska liðið Alpla Hard. Hann fer til félagsins í sumar og finnur þar fyrir tvo Íslendinga, Hannes Jón Jónsson þjálfara og Tuma Stein Rúnarsson leikstjórnanda og gamlan samherja hjá Val.
Tryggvi Garðar, er 22 ára gamall. Hann hefur undanfarin tvö ár leikið með Fram. Tryggvi Garðar kom til Framara frá Val þar sem hann lék upp yngri flokki og steig sín fyrstu skref í meistaraflokki. Hann var í Íslandsmeistaraliði Vals 2021 og 2022, þó í meira hlutaverki síðara árið.
Alpla Hard var á dögunum deildarmeistari í Austurríki og er komið í úrslit um meistaratitilinn. Fyrsti leikur Alpla Hard og Krems fer fram í Bregenz á föstudaginn.
Hannes Jón hefur þjálfað Alpla Hard frá 2021. Hannes Jón segir í tilkynningu á heimasíðu félagsins að hann bindi miklar vonir við Tryggva Garðar, jafnt í hlutverki varnar- sem sóknarmanns en Tryggva Garðari er ætlað að leika í miðri vörninni.
