Tumi Steinn Rúnarsson lék við hvern sinn fingur í kvöld þegar Alpla Hard tryggði sér deildarmeistaratitilinn í Austurríki með sex marka sigri á West Wien, 34:28, á heimavelli. Hann skoraði átta mörk og gaf átta stoðsendingar. Lék Tumi Steinn vörn West Wien afar grátt eins og nærri má geta.
Tumi Steinn var um leið markahæstur hjá Bodsense-liðinu sem Hannes Jón Jónsson þjálfar.
Alpla Hard hefur sjö stiga forskot þegar liðið á tvo leiki eftir óleikna. Krems og Füchse eru sjö og átta stigum á eftir en eiga aðeins eftir þrjár viðureignir óleiknar.
Að lokinni deildarkeppninni tekur við úrslitakeppni átta efstu liða.
Meistarar síðasta árs, Linz, eru í áttunda sæti en Linz lagði Alpla Hard í úrslitum í lok síðasta tímabils.
Staðan í austurrísku 1. deildinni:
