Tveir leikmenn sem leika með Val eru í 18-manna hópi færeyska landsliðsins sem tekur þátt í Evrópumótinu í handknattleik karla sem hefst um miðjan janúar í Danmörku, Noregi og Svíþjóð. Leikmennirnir tveir eru Allan Norðberg og Bjarni í Selvindi.
Einn leikmaður í 18-manna hópnum leikur með félagsliði í Færeyjum. Aðrir eru hjá félagsliðum utan Færeyja.
Peter Bredsdorff-Larsen landsliðsþjálfari og hægri hönd hans, Hjalti Mohr Jacobsen, verða með fyrstu æfingu í Þórshöfn laugardaginn 3. janúar.
Færeyingar leika vináttuleiki við ítalska landsliðið 9. og 11. janúar í þjóðarhöll sinni, við Tjarnir. Ítalska landsliðið verður fyrsti andstæðingur íslenska landsliðsins á EM, 16. janúar í Kristianstad Arena.
Færeyska landsliðið verður í riðli á EM með Sviss, Svartfjallalandi og Slóveníu. Leikið verður í Ósló.
Takist landsliðum Íslands og Færeyja að komast í milliriðlakeppni EM leiða þau saman hesta sína í Malmö.
Markverðir:
Pauli Jacobsen, HC København.
Aleksandar Lacok, TSV St. Otmar Handball St. Gallen.
Miðjumenn og skyttur:
Tróndur Mikkelsen, HF Karlskrona.
Rói Ellefsen á Skipagøtu, IF Hallby HK.
Óli Mittún, GOG.
Elias Ellefsen á Skipagøtu, THW Kiel.
Pauli Mittún, Team Sydhavsøerne.
Vilhelm Poulsen, TSV Hannover-Burgdorf.
Kjartan Johansen, Elitesport Vendsyssel.
Bjarni í Selvindi, Valur.
Hornamenn:
Rói Berg Hansen, Køge Håndbold.
Leivur Mortensen, HC København.
Hákun West av Teigum, Füchse Berlin.
Allan Norðberg, Valur.
Línumenn:
Teis Horn Rasmussen, Ribe-Esbjerg HH.
Pætur Mikkjalsson, Team Sydhavsøerne.
Ísak Vedelsbøl, IK Sävehof.
Helgi Hildarson Hoydal, H71.
