- Auglýsing -
Uppselt er á leik Íslands og Bosníu í Laugardalshöll í kvöld en viðureignin er sú fyrsta í undankeppni EM 2026 í handknattleik karla.
„Við erum sjöunda himni yfir að enn einu sinni er uppselt á stórleik hjá strákunum okkar í Laugardalshöll,“ sagði Kjartan Vídó Ólafsson markaðsstjóri HSÍ í samtali við handbolta.is fyrir stundu. Alls verða um 2.200 áhorfendur á leiknum.
A-landslið karla – fréttasíða.
Viðureign Íslands og Bosníu hefst í Laugardalshöll í kvöld klukkan 19.30. Þeir sem ekki verða í Laugardalshöll geta fylgst með útsendingu RÚV frá leiknum eða textalýsingu handbolti.is.
Snorri Steinn hefur valið þá sem mæta Bosníu
Þar næsti leikur Íslands í undankeppni EM 2026 verður á sunnudaginn gegn Georgíu í Tíblisi á sunnudaginn kl. 14. Handbolti.is verður í Tíblisi.
- Ísland er í riðli með Bosníu, Georgíu og Grikklandi í undankeppni Evrópumótsins 2026. Framundan eru tveir leikir hjá íslenska liðinu í undankeppninni. Auk leiksins við Bosníu í kvöld mætir íslenska landsliðið Georgíumönnum í Tíblisi á sunnudaginn.
- Næstu leikir íslenska landsliðsins verða um miðjan mars, heima og heiman gegn Grikklandi. Undankeppninni lýkur í byrjun maí með leikjum við Bosníu ytra og heima á móti Georgíu.
- Undankeppni EM er leikin í átta riðlum með fjórum liðum í hverjum. Tvö efstu lið hvers riðils tryggir sér farseðilinn í lokakeppni EM sem fram fer í Danmörku, Noregi og Svíþjóð frá 15. janúar til 1. febrúar 2026. Einnig komast fjögur landslið sem hafna í þriðja sæti í lokakeppnina.
- Þegar hefur verið ákveðið að íslenska landsliðið leikur í riðli sem fram fer í Kristianstad takist liðinu að tryggja sér þátttökurétt.
- Auglýsing -
