Önnur umferð Grill 66-deildar karla í handknattleik hefst í kvöld þegar nýliðarnir, Vængir Júpíters, taka á móti ungmennaliði Vals í Dalhúsum í Grafarvogi. Um er að ræða fyrsta heimaleik Vængjanna og verður honum streymt í gegnum youtube rás félagsins. Einnig verður streymið aðgengilegt hér á handbolti.is.
Hlekkur á youtuberás Vængja Júpíters.
Leikurinn hefst klukkan 20. Þeir sem vilja mæta í Dalhús geta nálgast aðgöngumiða í gegnum smáforritið Stubb þar sem miðasala á nær alla leiki Íslandsmótsins fer fram.
Haraldur Þorvarðarson og Ómar Örn Jónsson dæma leikinn og Kristján Halldórsson verður eftirlitsmaður.
Vængir Júpíters unnu nýliða Harðar, 27:23, á Ísafirði í fyrstu umferð. Ungmennalið Vals tapaði naumlega fyrir Víkingi í hörkuleik í upphafsumferð Grill 66-deildarinnar, 32:30.
