Björgvin Páll Gústavsson, hinn þrautreyndi markvörður íslenska landsliðsins í handknattleik karla, greinir frá því í yfirlýsingu á Facebook-síðu sinni í morgun að fjölskylduástæður hafi valdið því að hann gaf ekki kost á sér landsliðið sem fór til Portúgals í morgun. Björgvin Páll og eiginkona hans, Karen Einarsdóttir, eignuðust sitt fjórða barn á næst síðasta degi nýliðins árs.
Björgvin Páll segist ekki með þessu segja að hann hafi staðið framar hinum tveimur markvörðum landsins hefði hann gefið kost á sér í leikinn. Hann hafi ekki leikið handknattleik síðustu mánuði á sama tíma og þeir hafi verið að leika með félagsliðum sínum en báðir leika þeir með félagsliðum í dönsku úrvalsdeildinni.
Björgvin Páll hvetur Ágúst Elí Björgvinsson og Viktor Gísla Hallgrímsson til dáða og segist munu fylgjast spenntur með leiknum í faðmi fjölskyldunnar.
