Valur lagði Íslands- og bikarmeistara Fram með fjögurra marka mun í æfingaleik í N1-höllinni á Hlíðarenda í kvöld. Staðan var jöfn að loknum fyrri hálfleik, 14:14. Þetta var síðasti æfingaleikur Valsliðsins að sinni en það heldur í æfingagerð til Tenerife á fimmtudaginn. Sama dag mætir Fram liði Stjörnunnar í Meistarakeppni HSÍ í Lambhagahöllinni.
Valur hefur þar með unnið fjóra æfingaleiki á síðustu tveimur vikum gegn Víkingi, Selfossi, Aftureldingu og Fram. Virðist Valsliðið vera til alls líklegt.
Mörk Vals: Gunnar Róbertsson 5, Andri Finnsson 4, Viktor Sigurðsson 4, Þorvaldur Örn Þorvaldsson 4, Agnar Smári Jónsson 3, Daníel Örn Guðmundsson 3, Kristófer Máni Jónasson 3, Bjarni í Selvindi 2, Þorgils Jón Svölu Baldursson 2.
Varin skot: Björgvin Páll Gústafsson 15.
Framarar spiluðu í æfingafatnaði og var erfitt að fylgjast með markaskori þeirra af þeim sökum.
