Forsvarsmenn handknattleiksliðs Víðis í Garði hyggja á stórsókn á handknattleiksvellinum á næsta keppnistímabili þótt ekki hafi verið pláss fyrir liðið í Grill 66-deild karla. Víðir hefur samið við tvo pólska handknattleiksmenn fyrir næsta keppnistímabil. Samkvæmt heimildum handbolta.is þá er þriðji pólski leikmaðurinn til skoðunar hjá Víði um þessar mundir.
Timo Ponto er annar Pólverjinn sem þegar hefur samið við Víði fyrir næsta keppnistímabil. Hann kemur til félagsins frá KPR Zukowo í heimalandi sínu. Ponto hefur ekki aðeins gert það gott í hefðbundnum handknattleik því hann er einnig landsliðsmaður Póllands í strandhandbolta.
Hinn leikmaðurinn sem samið hefur við Víði er Kornel Dziedzic. Hann lék einnig með KPR Zukowo á síðasta tímabili en einnig verið liðsmaður Siódemka Legnica, Świdnica, SMS Kwidzyn, eftir því sem fram kemur í tilkynningu frá Víði, handbolta á Instagram sjá má hér fyrir neðan.
Víðir hefur leikið í 2. deild frá haustinu 2022. Forsvarsmenn félagsins hafa í hyggju af bæta og byggja upp enn sterkara handknattleikslið á næstu árum sem getur gert sig gildandi í Grill 66-deildinni.
Orfeus Andreou, sem búið hefur hér á landi um langt ára, hefur haldið utan um þennan vaxtarsprota handknattleiks á Suðurnesjum auk þess að leika með liðinu.
