Víkingur situr einn í efsta sæti Grill 66-deildar karla í handknattleik eftir sigur á ungmennaliðið Vals í hörkuleik í Víkinni í kvöld, 30:26, eftir jafna stöðu að loknum fyrri hálfleik, 14:14.
Víkingur hefur þar með 18 stig, tveimur fleiri en HK sem lagði ungmennalið Selfoss í gærkvöldi, 25:17. Víkingur hefur lokið tíu leikjum eins og HK og ungmennalið Vals sem er í þriðja sæti með 14 stig eins og Fjölnir. Kría, sem lagði Fram í kvöld, 33:24, hefur 13 stig í fimmta sæti.
Víkingur var sterkari í síðari hálfleik í Víkinni þar sem Hjalti Már Hjaltason var markahæstur með sex mörk. Benedikt Gunnar Óskarsson var eins og stundum áður atkvæðamestur Valsmanna. Hann skoraði 10 mörk að þessu sinni.
Mörk Víkings: Hjalti Már Hjaltason 6, Jóhannes Berg Andrason 5, Logi Snædal Jónsson 4, Guðjón Ágústsson 3, Arnar Gauti Grettisson 3, Styrmir Sigurðsson 3, Ólafur Guðni Eiríksson 3, Egidijus Mikalonis 3.
Mörk Vals U.: Benedikt Gunnar Óskarsson 10, Breki Hrafn Valdimarsson 5, Andri Finnsson 4, Einar Þorsteinn Ólafsson 3, Óðinn Ágústsson 2, Þorgeir Arnarsson 2.
