Víkingur og Grótta eru áfram lang efst í Grill 66-deild karla í handknattleik. Áfram munar einu stigi á liðunum tveimur, Víkingi í vil. Víkingar lögðu Selfoss 2 í Sethöllinni á Selfossi í dag með sjö marka mun, 39:32.
Á svipuðum tíma lagði Grótta liðsmenn Hvíta riddarans í Hertzhöllinni á Seltjarnarnesi, 32:28.
Hvíti riddarinn er þekktur fyrir að sækja stig á útivelli á keppnistímabilinu. Fram eftir leiknum í dag voru líkur á að Hvítu riddararnir ætluðu að fara með stigin tvö í farteskinu heim í Mosfellsbæ. Af því varð ekki. Gróttumenn voru ákveðnari en það þegar á reyndi.
Staðan og næstu leikir í Grill 66-deildum.
Selfoss 2 – Víkingur 32:39 (14:18)
Mörk Selfoss 2: Bjarni Valur Bjarnason 6, Aron Leo Guðmundsson 5, Anton Breki Hjaltason 5, Ragnar Hilmarsson 5, Skarphéðinn Steinn Sveinsson 3, Dagbjartur Máni Björnsson 2, Jón Valgeir Guðmundsson 2.
Varin skot: Ísak Kristinn Jónsson 8, Einar Gunnar Gunnlaugsson 1.
Mörk Víkings: Ísak Óli Eggertsson 9, Sigurður Páll Matthíasson 8, Kristófer Snær Þorgeirsson 7, Rytis Kazakevicius 6, Ásgeir Snær Vignisson 4, Jóhann Reynir Gunnlaugsson 3, Arnar Már Ásmundsson 2.
Varin skot: Hilmar Már Ingason 9, Stefán Huldar Stefánsson 5.
Tölfræði leiksins hjá HBStatz.
Grótta – Hvíti riddarinn 32:28 (14:17).
Mörk Gróttu: Antoine Óskar Pantano 9, Tómas Bragi Lorriaux Starrason 9, Kári Kvaran 4, Gunnar Hrafn Pálsson 3, Alex Kári Þórhallsson 2, Hannes Grimm 2, Hannes Pétur Hauksson 1, Sigþór Gellir Michaelsson 1, Sæþór Atlason 1.
Varin skot: Hannes Pétur Hauksson 13.
Mörk Hvíta riddarans: Aron Valur Gunnlaugsson 11, Brynjar Búi Davíðsson 4, Haukur Guðmundsson 4, Adam Ingi Sigurðsson 2, Andri Freyr Friðriksson 2, Leó Halldórsson 1, Daníel Bæring Grétarsson 1, Kristján Andri Finnsson 1, Leó Róbertsson 1.
Varin skot: Sölvi Þór Daníelsson 18.
Tölfræði leiksins hjá HBStatz.
