Víkingur safnar liði fyrir átökin

Víkingar eru byrjaðir að safna liði fyrir næsta keppnistímabil í Grill66-deild karla í handknattleik. Í dag samdi handknattleiksdeild Víkings við hinn 23 ára gamla Gísla Jörgen Gíslason. Hann kemur til Víkings frá FH en frá áramótum lék Gísli Jörgen sem lánsmaður með Þór Akueyri í Olísdeildinni og skoraði 37 mörk í 16 leikjum.

Gísli Jörgen getur leikið jafnt sem miðjumaður og vinstri skytta. „Við erum afar spennt fyrir þessari viðbót í hópinn okkar og væntum mikils af Gísla,“ segir í tilkynningu frá handknattleiksdeild Víkings.

• Arnór og Jóhannes byrjuðu á sigri – Guðmundur steinlá á heimavelli
• Haukur fór á kostum – Ómar Ingi skoraði 15 mörk
• Elmar fagnaði sigri en Tjörvi tapaði með nýliðunum
• Uppselt á kveðjuleik Arons – bein útsending í sjónvarpi
• Leikið við Færeyinga í þjóðarhöllinni rétt fyrir HM