Viktor Gísli Hallgrímsson varð heimsmeistari félagsliða með samherjum sínum í Barcelona í kvöld. Barcelona vann ævintýralegan sigur á One Veszprém, 31:30, í tvíframlengdum úrslitaleik í Kaíró. Leikmenn Barcelona skoruðu tvö mörk á síðustu 45 sekúndunum og tryggðu sér þar með sigurinn.
Daninn Emil Nielsen varði tvisvar á síðustu mínútunni, þar af síðara skotið þegar fimm sekúndur voru til leiksloka frá Frakkanum Hugo Descat. Þar með innsiglaði Nielsen sigurinn og kom um leið í veg fyrir að leikurinn yrði leiddur til lykta í vítakeppni.
Nielsen átti stórleik, varði 27 skot, á 80 mínútum, 49%. Viktor Gísli lék allan undanúrslitaleikinn við Al Ahly. Hann spreytti sig á einu vítakasti í leiknum í kvöld.
Aleix Abello var markahæstur hjá Barcelona með sex mörk, þar af sigurmarkið. Ian Barrufet skoraði fimm mörk.
Bjarki Már Elísson kom lítið við sögu í leiknum.
Hugo Descat skoraði átta mörk fyrir One Veszprém, Ivan Martinovic og Nedim Remili skoruðu sex mörk hvor.
One Veszprém vann heimsmeistaramótið fyrir ári.
Sigurliðið fær 350.000 dollara í verðlaunafé, ríflega 42 milljónir kr. Silfurliðið hreppir 150.000 dollara, rúmlega 18 milljónir kr. og bronsliðið fær í sinn hlut 50.000 dollara, 6 milljónir kr.
Evrópumeistararnir voru ekki í vanda
