Viktor Gísli Hallgrímsson landsliðsmarkvörður í handknattleik lék á ný með pólska meistaraliðinu Wisla Plock í dag eftir nokkurra vikna fjarveru vegna ökklameiðsla. Hann byrjaði í marki Wisla Plock þegar liðið sótti Energa MKS Kalisz heim og vann stórsigur, 37:21.
Viktor Gísli var ekki lengi að stimpla sig inn í leikinn ef marka má frásögn á heimasíðu Wisla Plock. Hinsvegar eru upplýsingar af skornum skammti og óljóst hvort Viktor Gísli var í markinu allan leikinn. Eins er ekkert minnst á hvað hann varði mörg skot en þau hljóta að hafa verið mörg því leikmenn Energa MKS Kalisz skoruðu aðeins 21 mark.
Klár í slaginn við Nantes
Endurkoma Viktors Gísla kemur sér afar vel fyrir pólsku meistarana sem eiga leik á heimavelli við Nantes, fyrrverandi lið Viktors Gísla, í fyrstu umferð útsláttarkeppni Meistaradeildar Evrópu á fimmtudagskvöld.
Staðan í pólsku úrvalsdeildinni:
