Vilhelm Gauti verður áfram þjálfari hjá HK

Vilhelm Gauti Bergsveinsson hefur framlengt samning sinn við HK og verður þar með áfram aðstoðarþjálfari meistaraflokks karla og aðalþjálfari HK2 í Grill 66- deildinni keppnistímabilið 2025/2026.

Vilhelm Gauti lék árum saman með HK en sneri sér síðar að þjálfun og hefur síðan komið að yngri flokkum og meistaraflokkunum. Um skeið var Vilhelm Gauti dómari í Olísdeildunum og myndaði par með Ólafi Víði Ólafssyni sem nú er mótastjóri HSÍ.