Einar Rafn Eiðsson sem í vikunni var ráðinn aðstoðarþjálfari karlaliðs KA í handknattleik segist vongóður að snúa aftur út á leikvöllinn eftir áramót. Hann gekkst í sumar undir aðgerð á mjóðm. Einar Rafn er allur að sækja í sig veðrið eftir aðgerðina og er aðeins farinn að snerta golfkylfurnar á nýjan leik.
„Ég mun reyna að koma mér af stað eftir mjaðmaaðgerðina um áramótin,“ sagði Einar Rafn við handbolta.is sem hefur verið með öflugri leikmönnum Olísdeildar á undanförnum árum. M.a. hefur Einar Rafn þrisvar orðið markakóngur Olísdeildar, þar af í tvígang eftir að hann gekk til liðs við KA 2021. Þá jafnaði hann félagsmet KA þegar hann gerði 17 mörk gegn Gróttu þann 4. desember 2022 en metið á hann með Arnóri Atlasyni sem gerði 17 mörk í leik gegn Þór þann 11. nóvember 2003.
Einar Rafn mun koma með mikilvæga reynslu inn í þjálfararteymi KA-liðsins en norðanmenn ætla að byggja sem mest á heimamönnum á næstu leiktíð.
Þjálfarar – helstu breytingar 2025
Karlar – helstu félagaskipti 2025
