- Auglýsing -
Skara HF sem Aldís Ásta Heimisdóttir er að hefja þriðja keppnistímabilið með tapaði naumlega fyir Skuru IK, 29:28, í fyrstu umferð sænsku úrvalsdeildarinnar í handknattleik kvenna í kvöld. Leikið var á heimavelli Skuru sem var með sex marka forskot að loknum fyrri hálfleik, 17:11.
Aldís Ásta og félagar náðu sér betur á strik í síðari hálfleik og voru nærri að hirða annað stigið úr leiknum eftir að hafa skorað tvö síðustu mörk leiksins og voru hársbreidd frá jöfnunarmarki. Melanie Felbers, leikmaður Skara, átti síðasta markskot leiksins en það kom broti úr sekúndu of seint því leiktíminn rann út meðan boltinn var á leiðinni í netið.
Aldís Ásta skoraði eitt mark í leiknum.
- Auglýsing -
