Yfirlýsing frá ÍBV: Ávallt tvær hliðar á öllum málum

Aðalstjórn ÍBV-íþróttafélags sendi í kvöld frá sér snarpa yfirlýsingu vegna fréttaflutnings af Kára Kristjáni Kristjánssyni handknattleiksmanni sem ekki fær nýjan samning við handboltalið félagsins.

„ÍBV-íþróttafélag harmar að viðræður við Kára Kristján hafi ekki gengið sem skyldi. Félagið áréttar að ávallt séu tvær hliðar á öllum málum og tjáir sig ekki frekar um einstök samningsmál.

Við óskum Kára velfarnaðar í framtíðinni og þökkum fyrir hans framlag til félagsins.

Aðalstjórn ÍBV-íþróttafélags.“