Íslensk lið hafa tíu sinnum leikið gegn liðum frá Portúgal í Evrópukeppni í handknattleik og háðar hafa verið 20 viðureignir. Íslensk lið hafa sex sinnum fagnað sigri, einu sinni gert jafntefli og tapað 13 viðureignum.
Haukar hafa leikið 10 leiki gegn liðum frá Portúgal, Valur, FH, ÍBV, HK og Grótta/KR hvert lið leikið tvo leiki.
Valur mætir nú portúgalska liðinu Porto í Evrópudeildinni í Kaplakrika klukkan 18.15 á morgun þriðjudag, en með liðinu leikur Mosfellingurinn Þorsteinn Leó Gunnarsson.
Porto hefur einu sinni áður leikið gegn íslensku liði. Mætti HK í Evrópukeppni bikarhafa 2001-2002. HK tapaði báðum leikjunum, heima 24:29 og úti 25:27. Í leikjunum skoruðu þeir Vilhelm Gauti Bergsveinsson og Jaliesky Garcia 12 mörk hvor og þjálfarinn Valdimar Grímsson skoraði 9 mörk.
Fimm önnur lið frá Portúgal hafa leikið gegn íslenskum liðum. Benfica þrisvar, Braga þrisvar, Sporting Lissabon, Desportiv Francisco de Holanda og Bernorda Aveiro einu sinni.
Sigurleikirnir sex gegn liðum frá Portúgal eru: Valur – Braga 25:23 (1995), Haukar – Braga 28:25 (1994), Haukar – Sporting Lissabon 33:22 (2000), Grótta/KR – Desportiv Francisco de Holanda 24:21 og 22:19 (2002) og Haukar – Bernorda Aveiro 37:23 (2003).
Miðasala á handboltaveisluna í Kaplakrika á þriðjudaginn er á stubb.is – smellið hér.
Evrópukeppni félagsliða – fréttasíða.
