- Auglýsing -
- Handknattleiksdeild ÍR hefur skrifað undir tveggja ára samning við Egil Skorra Vigfússon. Egill er hluti af öflugum 2004 árgangi félagsins sem fóru í hvern úrslitaleikinn á fætur öðrum í yngri flokkum. ÍR hefur keppni í Grill 66-deild karla á laugardaginn með viðureign við HK U.
- Svissneski landsliðsmarkvörðurinn Nikola Portner hefur skrifað undir nýjan samning við Evrópumeistara SC Magdeburg. Samningurinn gildir fram á mitt ár 2027. Portner gekk til liðs við Magdeburg fyrir ári.
- Hinn margreyndi spænski handknattleiksmaður Jorge Maqueda og liðsfélagi Viktors Gísla Hallgrímssonar hjá franska liðinu Nantes verður á sjúkralista næstu tvo mánuði, hið minnsta. Maqueda meiddist á hné á æfingu með liðinu fyrir helgina.
- Efnilegasti handknattleiksmarkvörður Þýskalands, David Späth, hefur skrifað undir nýjan samning við Rhein-Neckar Löwen. Samningurinn gildir ársins 2027. Späth var frábær með þýska landsliðinu á heimsmeistaramóti 21 árs landsliða í sumar og átti ekki hvað sístan þátt í að þýska landsliðið varð heimsmeistari.
- Auglýsing -
