Ólafur Rafn verður í Skógarseli næstu árin

Markvörðurinn þrautreyndi, Ólafur Rafn Gíslason, hefur framlengt samning sinn við Olísdeildarlið ÍR til næstu tveggja ára.

Ólafur Rafn gekk til liðs ÍR árið fyrir fimm árum frá Stjörnunni. Í tilkynningu frá ÍR segir að Ólafur hafi verið algjör lykilmaður í meistaraflokki karla frá fyrsta degi. Í dag er hann einn af reynsluboltum liðsins í ungum og efnilegum leikmannahópi.

ÍR-ingar komu upp í Olísdeildina fyrir ári eftir skamma dvöl í Grill 66-deildinni. Þeir héldu sér upp í vor og mæta reynslunni til ríkari til leiks í byrjun september þegar flautað verður til leiks.