Elvar Elí tekur slaginn með Selfossi í Olísdeildinni

Línumaðurinn Elvar Elí Hallgrímsson hefur framlengt samning sinn við handknattleiksdeild Selfoss til ársins 2027.

Elvar Elí, sem er 22 ára, var lykilmaður í ungu og efnilegu liði Selfoss í vetur sem tryggði sér sæti í Olísdeild karla nú á dögunum með sigri á Gróttu í umspili.

„Þetta eru frábærar fréttir enda spennandi tímabil framundan hjá meistaraflokki karla næsta vetur,“ segir í tilkynningu frá handknattleiksdeild Selfoss.