Þrjátíu og fjórir dómarar og 13 eftirlitsmenn

- Auglýsing -

Alls eru 34 dómarar á lista dómaranefndar HSÍ við upphaf keppnistímabilsins í meistaraflokkum karla og kvenna. Þeir voru 36 á sama tíma í fyrra. Þrettán eru skráðir eftirlitsmenn, jafnmargir og fyrir ári.

Magnús Kári Jónsson starfsmaður dómaranefndar segir að eins og undanfarin ár þá vanti sárlega dómara fremur en að þeir séu of margir. Mjög muni reyna á hópinn á keppnistímabilinu og ljóst að þegar mest verði um að vera megi fátt eða ekkert bera út af, s.s. eins og meiðsli eða veikindi.

Svavar Ólafur Pétursson er í hópi sjóuðustu dómara landsins og lætur sér þar af leiðandi ekki allt fyrir brjósti brenna. Mynd/Eyjólfur Garðarsson

Rúmenskur dómari er á meðal örfárra nýrra dómara á lista. Gherman Bodgan heitir hann og flutti til landsins fyrir nokkru. Bogdan hefur talsverða dómarareynslu frá Rúmeníu og á m.a. leiki í efstu deild.

Fáar konur hafa því miður gefið kost á sér til dómarastarfa hér á landi. Undanfarin tvö ár hafa Hekla Daðadóttir og Ellen Karlsdóttir dæmt talsvert, m.a. í Olísdeild kvenna. Ellen hefur ákveðið að gefa ekki kost á sér til starf í vetur hvað sem seinna verður. Svipaða sögu er að segja um kvenfólk í eftirlitsstörfum. Kristín Aðalsteinsdóttir er eina konan á þeim lista eins og undanfarin ár.

Dómarar:

Anton Gylfi Pálsson	Jónas Elíasson
Arnór Jón Sigurðsson	Magnús Björnsson
Árni Snær Magnússon	Þorvar Bjarmi Harðarson
Árni Þór Þorvaldsson	Drengur Arnar Kristjánsson
Bjarki Bóasson	Gunnar Óli Gústafsson
Bjarni Viggósson	Jón Karl Björnsson
Gherman Bodgan	Guðbjörn Ólafsson
Bóas Börkur Bóasson	Hörður Aðalsteinsson
Eyþór Jónsson	Leó Snær Róbertsson
Hallgrímur Jónsson	Vilbergur Flóvent Sverrisson
Hekla Daðadóttir	Richardo Xavier
Ingvar Guðjónsson	Sigurjón Þórðarson
Magnús Kári Jónsson	Ómar Örn Jónsson
Ólafur Víðir Ólafsson	Vilhelm Gauti Bergsveinsson
Ramunas Mikalonis	Þorleifur Árni Björnsson
Sigurður Hjörtur Þrastarson	Svavar Ólafur Pétursson
Siguróli Magni Sigurðsson	Sævar Árnason