„Þetta var flottur leikur hjá okkur. Við náðum að gera flest af því sem við ætluðum okkur. Ég er ánægður,“ sagði Elvar Örn Jónsson lék að vanda af krafti og dugnaði með íslenska landsliðinu í kvöld þegar það lagði færeyska landsliðið, 39:24, í fyrri vináttuleik liðanna í Laugardalshöll. Síðari leikurinn fer fram á sama stað á morgun og hefst klukkan 17.30.
Bjuggumst við hörkuleik
„Mér finnst finnst færeyska liðið vera gott. Það er mjög vel skipulagt og leikmenn mjög tekknískir og mjög efnilega leikmenn. Við bjuggumst við hörkuleik enda varð það raunin lengst af í fyrri hálfleik áður en okkur tókst að slíta þá frá okkur,“ sagði Elvar Örn sem varaði við að færeyska liðið væri vanmetið þrátt fyrir að munurinn hafi verið mikill þegar upp var staðið í kvöld.
Elvar Örn segir leikina við Færeyinga fyrst og síðast snúa að íslenska liðinu. Menn og þjálfara eru að stilla sig saman með nýjum áherslum með tilliti til átakanna sem framundan er. Markmiðið sé að ná sem mestu út samverunni að þessu sinni áður en undirbúningurinn fyrir EM í janúar hefst í lok desember.
Mér fannst ganga vel
„Við reynum að vinna eftir því þjálfarinn vill leggja áherslu á og það er auka hraðann, hlaupa sem mest. Það er eitt það helsta sem við viljum ná út úr þessum leikjum. Mér fannst það ganga vel í kvöld,“ sagði Elvar Örn.
„Sjálfur er ég góðu formi og lít bjartsýnn fram á veginn,“ sagði Selfyssingurinn, Elvar Örn Jónsson í samtali við handbolta.is í Laugardalshöll í kvöld.
Síðari leikurinn verður sendur út á aðalrás Sjónvarps Símans eins og leikurinn í kvöld.
