Íslenska landsliðið í handknattleik kvenna hélt frá landinu í morgun áleiðis til Lúxemborgar þar sem það leikur næst síðasta leik sinn í undankeppnin Evrópumótsins á miðvikudaginn klukkan 16.45. Flogið var til Brussel og þaðan verður farið með langferðabifreið til Lúxemborgar og komið á áfangastað um miðjan dag. Áformað er að landsliðið æfi í Centre sportif National d’COQUE-keppnshöllinni síðdegis gangi ferðaáætlunin eftir.
Takist íslenska landsliðinu að vinna leikinn í Lúxemborg hefur það tryggt sér sæti í lokakeppni Evrópumótsins sem fram fer í Austurríki, Ungverjalandi og Sviss frá 28. nóvember til 15. desember.
Að leiknum loknum í Lúxemborg kemur landsliðið rakleitt heim og mætir Færeyingum í síðasta leik undankeppninnar á Ásvöllum sunnudaginn 7. apríl kl. 16. Endurgjaldslaus aðgangur verður á leikinn í boði Icelandair.
Tvær hitta hópinn ytra
Andrea Jacobsen og Díana Dögg Magnúsdóttir koma til móts við hópinn ytra. Báðar voru þær að leika með félagsliðum sínum á laugardaginn í Danmörku og Þýskalandi.
Þrjár urðu eftir heima
Þrjár úr 19 kvenna landsliðshópnum sem hefur verið við æfingar síðustu daga urðu eftir heima: Sara Sif Helgadóttir, markvörður Vals, Katrín Anna Ásmundsdóttir, nýliði úr Gróttu, og Framarinn Steinunn Björnsdóttir.
Sjá einnig: EM kvenna ’24: Úrslit og staðan – 3. og 4. umferð
Leikmannahópur Íslands gegn Lúxemborg er skipaður eftirtöldum:
Markverðir:
Elín Jóna Þorsteinsdóttir, EH Aalborg (57/2).
Hafdís Renötudóttir, Val (56/3).
Aðrir leikmenn:
Andrea Jacobsen, Silkeborg-Voel (50/75).
Berglind Þorsteinsdóttir, Fram (24/5).
Díana Dögg Magnúsdóttir, BSV Sachsen Zwickau (50/68).
Elín Rósa Magnúsdóttir, Val (17/39).
Elín Klara Þorkelsdóttir, Haukum (10/17).
Elísa Elíasdóttir, ÍBV (13/11).
Jóhanna Margrét Sigurðardóttir, Skara HF (13/10).
Katrín Tinna Jensdóttir, ÍR (18/6).
Lilja Ágústsdóttir, Val (22/15).
Perla Rut Albertsdóttir, Selfossi (46/85).
Sunna Jónsdóttir, ÍBV (88/64).
Thea Imani Sturludóttir, Val (76/168).
Tinna Sigurrós Traustadóttir, Selfossi (2/1).
Þórey Rósa Stefánsdóttir, Fram (135/391).
- Viðureign Íslands og Lúxemborgar verður send út hjá RÚV. Einnig ætlar handbolti.is af fylgjast með af mætti í textalýsingu.
