Ungverjar verða andstæðingar íslenska landsliðsins í leiknum um bronsverðlaunin á Evrópumóti 18 ára landsliða karla í handknattleik í Podgorica í Svartfjallalandi á sunnudaginn. Ungverska landsliðið tapaði með 12 marka mun fyrir sænska landsliðinu, 39:27, í síðari undanúrslitaleiknum á mótinu í kvöld.
Fyrr í dag tapaði íslenska landsliðið fyrir danska landsliðinu með átta marka mun, 34:26.
Ungverjum virðist hafa fallið allur ketill í eld í síðari hálfleik í leiknum við Svía. Aðeins skakkaði tveimur mörkum á liðunum þegar fyrri hálfleikur var að baki, 17:15.
Viðureign Íslands og Ungverjalands um bronsverðlaunin hefst klukkan 15 á sunnudaginn, 17 að staðartíma í Podgorica. Handbolti.is verður að vanda á vaktinni með textalýsingu.
Leikir um átta efstu sætin á EM sunnudaginn 18. ágúst:
1. sætið: Danmörk – Svíþjóð, kl. 17.30.
3. sætið: Ísland – Ungverjaland, kl. 15.
5. sæti: Þýskaland – Serbía, kl. 12.30.
7. sæti: Noregur – Spánn, kl. 10.
Sjá einnig: EMU18 karla: Leikir, úrslit og staðan, milliriðlar og sætisleikir
