Víkingar halda áfram að styrkja lið sitt fyrir átökin í Grill66-deild karla á næsta keppnistímabili. Í dag greindi handknattleiksdeild Víkings frá því að samkomulag hafi náðst við Jóhann Reyni Gunnlaugsson um að leika með Víkingi næstu tvö árin.
Jóhann Reynir, sem er hægri handar skytta, hefur leikið með Gróttu undanfarin þrjú keppnistímabil en var þar áður í Danmörku um tveggja ára skeið. Jóhann Reynir þekkir hvern krók og kima í Víkinni enda uppalinn hjá félaginu og lék með því um árabil m.a. í Olísdeildinni á árunum áður en hann fór til Danmerkur.
„Það eru mikil gleðitíðindi þegar öflugir heimamenn snúa aftur í sitt uppeldisfélag til að taka þátt í þeirri uppbyggingu sem nú á sér stað. Við Víkingar væntum mikils af Jóhanni og bjóðum hann hjartanlega velkominn heim aftur,“ segir í tilkynningu frá handknattleiksdeild Víkings í kvöld.
Á föstudaginn skrifaði Gísli Jörgen Gíslason undir samning við Víkinga.
- Norska landsliðið fagnar fjölbreytileika – rengnbogi á keppnisbúningum
- Myndskeið: Öll í Krikann – síðasta Evrópuveislan
- Dagskráin: Varmá, Ísafjörður og Evrópuleikur
- Molakaffi: Sigurjón, Hlynur, Kristján, Mensing
- Baldur Fritz er tíu mörkum fyrir ofan næsta mann þegar deildin er hálfnuð
