Íslenska landsliðið í handknattleik karla æfði í Kalevi Spordihall fljótlega eftir að það kom til Tallinn í Eistlandi eftir miðjan dag. Á morgun fer fram síðari viðureign Eistlands og Íslands í umspili um sæti á heimsmeistaramótinu sem fram fer í janúar á næsta ári. Íslenska liðið stendur vel að vígi eftir 25 marka sigur í Laugardalshöll á miðvikudaginn, 50:25.
Eins og kom fram fyrr í dag á handbolti.is þá leika sömu leikmenn fyrir hönd Íslands í leiknum á morgun og voru í eldlínunni á miðvikudaginn.
Seldir hafa verið um 300 aðgöngumiðar á leikinn á morgun. Kalevi Spordihall rúmar 2.100 áhorfendur í sæti. Um 500 áhorfendur voru á leik þjóðanna sem fram fór Kalevi Spordihall 15. október 2022 í undankeppni EM2024. Ísland vann með 12 marka mun, 37:25. Bjarki Már Elísson var markahæstur með 12 mörk.
Hér eru nokkrar myndir frá æfingunni í Tallinn í dag.
![](https://handbolti.is/wp-content/uploads/2024/05/35f373b7-3af1-4c74-8cc0-48a0ed7495e1-1024x768.jpeg)
![](https://handbolti.is/wp-content/uploads/2024/05/edd96140-3250-4653-ad56-943f83a1248f-1024x768.jpeg)
![](https://handbolti.is/wp-content/uploads/2024/05/fab8bea4-8e6e-4c7f-9d17-393b9d48819f-1024x768.jpeg)
![](https://handbolti.is/wp-content/uploads/2024/05/153080ca-2b3b-44d6-a522-cbf102d5bd9a-1024x768.jpeg)
![](https://handbolti.is/wp-content/uploads/2024/05/5af5b49f-4c56-4def-b24b-8779f4cff03a-1024x768.jpeg)
![](https://handbolti.is/wp-content/uploads/2024/05/0d086374-94cf-48ce-94f6-c719ea31c478-1024x768.jpeg)
Úrslit annarri leikja í umspili HM:
Grikkland – Holland 31:27 (13:12).
Rúmenía – Tékkland 31:30 (15:11).
Færeyjar – N-Makedónía 34:27 (18:14).
Spánn – Serbía 32:28 (15:14).
Georgía – Austurríki 25:27 (12:12).
Litáen – Ungverjaland 26:33 (14:16).
Pólland – Slóvakía 28:29 (15:16).
Slóvenía – Sviss 26:27 (15:12).
Ítalía – Svartfjallaland 32:26 (16:15).
Portúgal – Bosnía 29:19 (14:10).
Handbolti.is fylgist með leiknum í textalýsingu. Einnig viðureignin send út á RÚV.