Ekkert lát er á sigurgöngu Kolstad og Elverum í kapphlaupi liðanna um efsta sæti norsku úrvalsdeildarinnar í karlaflokki. Kolstad lagði Bergen, 30:21, í 14. umferð deildarinnar í gær og Elverum lagði Arendal, 37:27, á heimavelli. Ísak Steinsson og liðsfélagar í Drammen HK eru í efri hluta deildarinnar eins og áður. Drammen lagði nýliða Sandefjord TIF, 32:28, í Sandefjord í gær.
Benedikt Gunnar Óskarsson var eini Íslendingurinn sem kom við sögu í sigurleik Kolstad, 30:21, á Bergen Håndball á heimavelli. Hann skoraði eitt mark.
Sigvaldi Björn Guðjónsson og Sigurjón Guðmundsson markvörður voru ekki í leikmannahópi Kolstad.
Tryggvi Þórisson skoraði eitt mark í tíu marka sigri Elverum, 37:27, á heimavelli.
Dagur Gautason skoraði tvö mörk fyrir ØIF Arendal í leiknum í Terningen Arena í Elverum. Honum var einnig einu sinni vikið af leikvelli í tvær mínútur.
Ísak Steinsson varði eitt af sjö þann skamma tíma sem hann var í marki Drammen í sigrinum góða í Sandefjord.
Phil Döhler, fyrrverandi markvörður FH, varði fimm skot, 17%, þá stund sem hann stóð vaktina í marki Sandefjord.
P.s.: Taka ber tölfræði úr norsku úrvalsdeildinni með fyrirvara. Handbolti.is hefur ítrekað fengið ábendingar um skekkjur í tölfræðinni í nokkrum leikjum tímabilsins.
Staðan í norsku úrvalsdeildinni:
