Áfram er leikjum skákað á milli daga og klukkustunda

Vegna veðurs þarf að færa leik ÍBV og Selfoss í Olísdeild sem fram átti að fara á morgun, laugardag, yfir á sunnudaginn. Stefnt er á að blása til leiks í íþróttamiðstöðinni í Vestmannaeyjum klukkan 14.45.

Jafnframt hefur ákveðið að flýta leik ÍBV og Stjörnunnar í Olís deild kvenna sem fram á að fara á sunnudaginn. Hefja skal leik klukkan 12.30 í Vestmannaeyjum en ekki klukkan 14 eins og ákveðið var í vikunni þegar leikurinn var fluttur af laugardegi yfir á sunnudag.