Afturelding krækir í línumann hjá Fram

Línumaðurinn sterki Þorvaldur Tryggvason hefur samið við Aftureldingu til þriggja ára. Þorvaldur er 24 ára gamall og hefur leikið fyrir Fram undanfarin ár. Hann er öflugur varnarmaður og getur einnig leikið í miðri vörninni ásamt því að vera hörku línumaður.

Þorvaldur kemur til liðs við Aftureldingu að loknu yfirstandandi tímabili og mun styrkja hópinn fyrir næstu tímabil, jafnt í vörn sem sókn, segir í tilkynningu Aftureldingar í dag.

Þorvaldur er annar leikmaðurinn sem Afturelding krækir í fyrir næsta tímabil. Nýverið var samið við Gísli Rúnar Jóhannsson, ungan leikmann úr Haukum.