Svíþjóðarmeistarar Skara HF unnu Eskilstuna Guif IF, 39:25, í fyrsta leik liðanna í riðlakeppni sænsku bikarkeppninnar í kvennaflokki í dag. Leikið var í Eskilstuna. Aldís Ásta Heimisdóttir og Lena Margrét Valdimarsdóttir skoruðu tvö mörk hvor fyrir Skara HF sem hafði talsverða yfirburði í leiknum frá byrjun. Staðan í hálfleik var 22:13.
Með Skara HF og Eskilstunna Guif í riðli á þessu fyrsta stigi bikarkeppninnar eru AIK og Tyresö. Þau mættust einnig í dag. Tyresö vann, 26:23. Vilborg Pétursdóttir var ekki í leikmannahópi AIK en hún hefur leikið með liðinu undanfarin ár við góðan orðstír.
Berta Rut fjarverandi
Í riðli sjö í bikarkeppninni vann Kristianstad liðsmenn Hallby, 32:31, á útivelli, einnig í fyrstu umferð. Berta Rut Harðarsdóttir var ekki í leikmannahópi Kristianstad í leiknum.
