- Auglýsing -
Þýska landsliðið, undir stjórn Alfreðs Gíslasonar, vann Evrópumeistara Frakklands í vináttulandsleik í Dortmund í dag, 35:30. Leikurinn er liður beggja landsliða í undirbúningi fyrir Ólympíuleikana sem hefjast í París undir mánaðarlok.
Þjóðverjar voru yfir, 19:15, að loknum fyrri hálfleik. Frakkar komust yfir, 22:20, og 24:23, um miðjan síðari hálfleik. Eftir leikhlé Alfreðs sneru Þjóðverjar blaðinu við vel studdir af liðlega 10 þúsund áhorfendum í Westfalenhalle.
Mörk Þýskalands: Semper 6, Hornke 5/3, Grgic 4/1, Kohlbacher 4, Golla 4, Witzke 3, Uscins 3, Mertens 3, Fischer 1, Knorr 1, Köster 1.
Mörk Frakklands: Prandi 6, Minne 5, Richardson 5/1, Descat 3/1, N. Karabatic 2, Mahé 2, Fabregas 2, Porte 2, Nahi 2, L. Karabatic 1.
- Auglýsing -
