Alsír vann fimmta sæti á Afríkumótinu og verður þar með eitt fimm Afríkuríkja sem tekur þátt í heimsmeistaramótinu sem fram fer í Póllandi og Svíþjóð í janúar. Alsírbúar verða m.a. andstæðingar Alfreðs Gíslasonar og lærisveina í þýska landsliðinu.
Alsír vann lið Gíneu, 27:26, í æsispennandi leik um fimmta sætið á Afríkumótinu í Karíó í dag. Gíneubúar, sem vakið hafa verðskuldaða athygli á mótinu, sitja eftir með sárt ennið að þessu sinni. Þeir unnu Alsírbúa, 28:22, í riðlakeppni mótsins fyrir viku. Það var skammgóður vermir.
Algeria takes the last World Championship spot after a thrilling match versus Guinea.
— Rasmus Boysen (@RasmusBoysen92) July 18, 2022
They will play in group E with Germany, Qatar and Serbia.
The 5 nations from Africa are:
Egypt, Capo Verde, Tunisia, Morocco and Algeria.#handball pic.twitter.com/VkaAmeTJd1
Alsír fer þar með í E-riðil HM þar sem fyrir eru Þýskaland, Katar og Serbía. Hætt er við að það verði við ramman reip að draga fyrir Afríkuliðið.
Framundan eru tveir síðustu leikir Afríkumótsins í kvöld. Marokkó mætir Túnis í leiknum um þriðja sætið áður en Egyptar og Grænhöfðeyingar leika um gullið. Að leikjunum loknum verður víst í hvaða riðla fjögur síðustu Afríkulöndin fara.
Uppfært: Marokkó vann Túnis, 28:24, í leiknum um bronsið. Marokkó tekur þar með sæti í G-riðli en Túnis fer í H-riðil m.a. með heimsmeisturum Dana.
Riðlaskipting á HM 2023:
| A: | Spánn | Svartfj.land | Chile | Íran |
| B: | Frakkland | Pólland | S-Arabía | Slóvenía |
| C: | Svíþjóð | Brasilía | Afríka2 | Úrúgvæ |
| D: | Ísland | Portúgal | Ungv.land | S-Kórea |
| E: | Þýskaland | Katar | Serbía | Alsír |
| F: | Noregur | N-Makedónía | Argentína | Holland |
| G: | Afríka1 | Króatía | Marokkó | Bandaríkin |
| H: | Danmörk | Belgía | Barein | Túnis |
