„Mér fannst við hafa tök á þeim en þegar ég lít til baka þykir mér við hafa átt að gera betur, ekki síst í síðari hálfleik,“ segir Rakel Dögg Bragadóttir þjálfari Fram eftir sigur liðsins á ÍR, 25:22, í Olísdeild kvenna í handknattleik í 19. umferð deildarinnar. Leikið var í Skógarseli, heimavelli ÍR-inga. Sigurinn tryggði Fram a.m.k. annað sæti deildarinnar og beinan keppnisrétt í annarri umferð úrslitakeppninnar.
„Síðari hluti fyrri hálfleiks var góður. Á þeim tíma stigum við upp og náum góðu forskoti. Vörnin fylgdi með og leikur okkar var góður,“ segir Rakel Dögg sem var ekki eins sátt við síðari hálfleikinn þótt sigur Fram væri aldrei í verulegri hættu.
„Mér finnst við eiga að vera á fullu allan tímann,“ segir Rakel Dögg og vildi aðspurð ekki skrifa það á reikning þess að mjög var róterað með liðið sem flestum leikmönnum gefið tækifæri til þess að láta ljós sitt skína.
Oft hefur Fram átt í erfiðleikum með Fram og þar af leiðandi var Rakel Dögg ánægð með sannfærandi sigur að þessu sinni. „Mér finnst ÍR-liðið vera mjög flott og þess vegna er ég ánægð þegar á heildina er lítið með sigurinn sem var aldrei i hættu.“
Tveir leikir eftir – árangur góður
Rakel Dögg segir að með sigrinum sem áfanga náð, þ.e. að ná öðru sæti Olísdeild. „Annað sætið var áfangi sem við stefndum að þegar ljóst var orðið að þrautin gæti orðið þyngri að vinna deildarmeistaratitilinn. Þetta er góður árangur auk þess sem mér finnst hafa verið góður gangur á okkur síðustu vikur. Við eigum tvo leiki eftir sem við viljum vinna vel og koma á góðum skrið inn í úrslitakeppnina,“ segir Rakel Dögg Bragadóttir þjálfari Fram í samtali við handbolta.is
Lengra viðtal er við Rakel Dögg í myndskeiði hér fyrir ofan.
Framarar öruggir um annað sætið
Staðan og næstu leikir í Olísdeildum.
