Aníta Björk verður áfram í Eyjum

Aníta Björk Valgeirsdóttir og handknattleiksdeild ÍBV hafa náð samkomulagi og hefur Aníta skrifað undir nýjan tveggja ára samning.
Aníta er ungur og efnilegur leikmaður sem hefur leikið lykilhlutverk í 3. flokki félagsins og sömuleiðis verið í leikmannahópnum hjá meistaraflokki kvenna.

„Við erum mjög ánægð með að tryggja okkur krafta Anítu áfram og hlökkum til áframhaldandi samstarfs,“ segir í tilkynningu frá handknattleiksdeild ÍBV.