Annar Eistlendingur til KA

Handknattleikslið KA hefur samið við Marcus Rätte, 19 ára gamlan örvhentan leikmanna frá Eistlandi. Hann kemur frá eistneska liðinu SK Tapa sem leikur í efstu deild. Fyrir hjá KA er annar Eisti, Ott Varik sem gekk til liðs við KA fyrir ári.

„Koma Marcus í KA eykur breiddina hægra megin á vellinum en á síðustu leiktíð voru þeir Ott og Einar Rafn Eiðsson einu örvhentu leikmenn liðsins. Þeir stóðu þó heldur betur fyrir sínu en Einar Rafn var markakóngur efstudeildar annað árið í röð en hann gerði 178 mörk í 27 leikjum og Ott var næstmarkahæsti leikmaður liðsins,“ segir í tilkynningu af komu Marcus Rätte á heimasíðu KA.

Karlar – helstu félagaskipti 2024